amr5455
مـشـرف قـسـم فـرفـشـه والـنـكـت
عدد المساهمات : 7
نقاط : 56389
تاريخ التسجيل : 16/06/2009
العمر : 29
الموقع : شباب احلى منتدى
 | موضوع: نكت جامده 2009  الأربعاء يونيو 17, 2009 2:55 pm | |
| أستاذ بيسأل تلميذ بيقوله لو ابوك اشترى 4 كيلو برتقال سعر الكيلو 3 جنيه
يبقى ابوك هيدفع كام للفكهانى قاله يبقى هيدفع 5 جنيه
قاله غلط يبنى اقعد انت متعرفش فى الحساب
قاله لا ياأستاذ انت اللى متعرفش ابويا
مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى
وبص وراه لقى زميله واقف ما بيجريش قاله ما بتجريش ليه ؟
قاله واجرى ليه هو انا اللى ضربته
مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي
...تاني يوم و هوه في المدرسه المدرس سأله:انت عندك اخوات؟
قاله:كان عندي واحد بس ماما أكلته.
مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟
قال له:لا طبعا .
ففرح التلميذ اوى و قال له خلاص انا معملتش الواجب
واحد اخترع حبوب للحامل علشان المولود يطلع مؤدب
وكل مولود فعلا نزل مؤدب .
واحدة أخدت الحبوب وماولدتش في المعاد
فراحت للدكتور عملها ولادة قيصرية
، لقى توأم كل واحد بيعزم علي التانى ويقول له "اتفضل" التاني يقوله "لأ والله ابدا اتفضل إنت الأول
توأم بيقول لأخوه التوأم وهو متنرفز إنت كنت فين ياعم أمك حمتنى مرتين
مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت فعصتك
تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه
مره موجه جغرافيا دخل الفصل ووقف تلميذ قالله انا هارسم رسمه وانت تكمله الموجه رسم دايره الواد رسم خط فى النص،الموجه رسم خط يقسم الدايره اربعه الواد رسم له نقطه .. الموجه طلع من الفصل سعيد وانت مدرس ممتاز وقعد يشكر فى المدرسه وقال انا وقفت طالب رسمت له الكره الارضيه رسم لى خط الاستواء رسمتله خط جرينتش رسم لى نقطة مركز الكره الارضيه .. وطلع الواد يقول عالموجه ده راجل طماع ده عينه فارغه وقاللهم رسم لى رغيف عيش عالسبوره قلتله انت النص وانا النص قاللى لا انا التلات ارباع وانت الربع قلتله لا بقه دانا هاخلع لك عينك
واحد بيقول لامه الراجل ده بيبوس اختى ليه قالت اصله هيتجوزها قالها امال بابا هيتجوز الخدامه امتى
مرة ولد صغير راح لجارته وطلب منها انها توريه لسانها فسألتة ليه: فقالها عشان ماما بتقول ان لسانك زي العقربة
مره المدرس سأل الاطفال فى الفصل الى يفتكر نفسه غبى يقف ... بعد شويه وقف تلميذ ...فساله المدرس و ليه بقه يا سيدي بتفتكر نفسك غبي ..فرد عليه التلميذ اصلي محبيتش اشوفك واقف لواحداك يا أستاذ
 | |
|
Admin
الــمــديــر الــعــام
عدد المساهمات : 101
نقاط : 56773
تاريخ التسجيل : 27/05/2009
العمر : 36
الموقع : WWW.GOOGLE.COM
| | موضوع: رد: نكت جامده 2009 الأربعاء يونيو 17, 2009 10:24 pm | |
| بابا هيتجوز الخدامه امتى ههههههههههههههه
جامده النكت يا عمور تسلم ايدك | |
|
mido0o0o0o
مـشـرف عـام علـى الـمـنـتـدى
عدد المساهمات : 23
نقاط : 56605
تاريخ التسجيل : 28/05/2009
العمر : 34
الموقع : mido0o0o0o
| | موضوع: رد: نكت جامده 2009 الخميس يونيو 18, 2009 9:23 am | |
| nkat adema mooot bas taslm 2edak | |
|
